Pencuri besi ninggal anak nyelamat ke diri

Siko orang apai ke lama udah mai anak ia encuri puting besi nekad ninggal ke anak ia ke tiga iko laban lari ari polis.

Cerita tu nyadi ari tu (26 sept) maya siko orang pekedai indu ia ke seruan kena curi barang besi dalam kedai ia.

Enda liat ati pekedai indu tu, ia ke bepalan di Stutong ditu deka nyidi penunga barang ia ke lenyau. Ia tertemu ke tangsang bala pencuri tu tadi ba semak babas belakang kedai-nya tadi.

Dalam tangsangnya ia pan tertemu ke besi ti lenyau ari kedai. Tengah ari ia lalu nesau ke polis lalu nyeruga tangsang pencuri tu tadi.

Sida lalu tetemu ke tiga iko nembiak enda kurang 12 tahun umur. Meda bala polis ke bisi kia dia apai pencuri tu tadi lalu ngerari ke diri ninggal anak ia nya dia.

Sigi agi cerita di Petra Jaya, beberapa iko raban orang kampung ulih nangkap siko pencuri ka selalu baka segau lalu encuri utai ari rumah di kampung sida dia.

Cerita nyadi dini hari tu maya orang kampung tertemu ke pencurinya lalu bergagai ke ia. Tang enda ulih laban ia lari nuju ujung babas ngelesap ke diri.

Enda puas ati bala sida sebuatnya tadi lalu ngipa pencuri ka agi beteruan dalam babas sampai tiga jam. Maya pencuri tadi pansut nyangka utai dah nadai agi dia bala sida orang kampung lalu nerkam pencurinya tadi.

Abis pencuri dibukut naban ke ia bakal di pala. Polis pan lalu ditesau lalu nangkap pencuri tu tadi ke balai.

Utai ke tau dikenang.Taja pan udah manyuh cerita orang ditipu beribu ringgit ke ngelama tu agi ga bisi jadi mangsa.

Kemari dua iko orang udah kena tipu siko orang tuai enggau siko orang indu. Seduai tu bisi di sapa orang ke di kelala seduai ia lalu madah ke ka nulong ngubat penyakit.

Orang tuai enggau indu nya tadi sama nyua RM1,000 ngagai orang ke nipu tu. Udah dua minggu baru sida ia nemu diri kena tipu laban orang ke ditemu nadai tampak mata enggau idung agi. Cerita ka baka tu pedis endar kitai ninga tang nyadi tiap hari.

Ia ke ngalit ke ati kati ke utai ke bansa tu nadai kala dicerita lalu didinga bala sida ke kena tipu tu tadi? Enda ga aku nemu jawab nya, tang ngarap ke semua kitai berjaga-jaga enggai ke dipansa orang ke selalu ka nipu baka tu.

Tiga iko penyamun ditembak Polis

Manah endar cerita sehari tu laban bala polis di Kuching ditu udah bulih nembak tiga iko ari lima raban penyamun malam ari tiga tu tadi. Syabas! Ngagai bala sida polis ke berani endar ngambat lalu nimbak bala sida penyamun tu. Ukai laban apa, mensia ke diau semak Matang enggau Petra Jaya selalu endar kena rumpak bala penyamun ke dijangka udah ngerumpak lebih enam buah rumah di tempatnya kenu ka polis.


Kena malam ari tiga tu tadi sida lima raban penyamun tu tadi deka ngerumpak bungalo orang kaya di Jalan Rambungan din di 38km di ujung Matang. Sida tadi lalu diperati orang ke semak dia lalu ngangau bala polis.

Sida polis lalu bertindak nyerebu ngagai tempat sida penyamun ke kayau-kayau semak nya dia. Paduhal sida raban penyamun tadi udah masuk kebun dragon fruit dia alai sida diperambat polis. Taja pan udah dikelingi polis sida lima penyamun tu tadi enggai nyerah diri tang ke nyerang polis enggau duku serta senjata tajam ke bukai.

Lapa meh deh, nadai kakang agi bala polis nembak sida penyamun ngujung tiga iko rebah dia mega. Dua iko agi ulih ngerari ke diri dalam babas. Dijangka polis dua iko nya pan bakal. Di sidi sida polis bisi bekau sida penyamun dua iko nya ulih ngerari ke diri ngena kereta. Tang enda temu enti sida dua iko nya bisi tulong orang bukai.

Polis bisi nemu pistol digaga diri empu serta lima iti peluru ba tubuh siko penymun ke udah mati. Lima igi peluru dalam poket siko agi serta lungga, pemutar skrew enggau tupeng.Sida penyamun tu dikelala nang orang Indon laban bisi passport ke udah abis tempoh ba tubuh sida.

Pemanah cerita tu tadi bala polis berterima kasih laban udah dibantu orang periman ke nesau sida pasal penyamun tu sebedau sida ia sempat nyamah orang ke enda nemu utai ulu-ili.

This blog is an opportunity for me to express my own personal view of the happenings and the news in my second hometown of the City of Kuching in Sarawak. My first hometown is about five hours drive from the City.

Kuching is no different from any other cities around the globe, it has its own unique beauty, history, current stories, political dimension, culture and people.

Everyone here I believe has the opportunity to learn and speak in English, but for my blog here I will try to deliver it in my own mother-tongue the Iban language. So if there is anyone reading my blog and understands Iban at least give it a comment or two whether it is a correct usage or not. From there I may be able to improve my own language and enrich it along the way.

I believe that there are plenty of happenings and news in Kuching that are of interest to those Iban working out there and would like to keep in touch with some of the small non-essential stories not reported in the mainstream media and I would to fill that in.

Arap ka kitai semua bulih cerita tau ka berita ka ulih jadi teladan lalu dikenang ka nyadi kemaya ari tu. Munyi ka terubah tadi aku ngarap ke ulih nulis utai ke nyadi di Kuching tau ka enti ulih di Sarawak ditu.