Kala kitai ninga orang tuai kena caj bil letrik sampai lebih RM300?Utai mansa tu enda dijangka nyadi tang nyadi ga ia. Jam ke diatu di kampung Kpg. Keniong Baru, Simunjan bisi dua iko aki enggau inik tak disua Syarikat Pembekal Letrik Sarawak (Sesco) bil RM362.15 disagi dibayar kena bulan Sembilan.
Utai ke nyelai negalama tu seduai ia mayar enda kurang ari RM20 sebulan, lalu enti nitih ke bulan Lapan semina RM18 aja. Udah agi dalam rumah seduai aki enggau inik tu ukai bisi perengka baka kipas, air-cond, tv, tauke astro pasang 24 jam
"Kati ke tau nyadi baka tu ucu, ukai bisi perengka, keresa bukai kami duai ditu semina ngena api tiga iti sumbu (bulb) udah dicaj sida Sesco RM300. Orang ke di nengri ka ngena air-cond entah bisi nyampau bayarnya," kenu ke aki Manca Manju, 80-tahun.
Kenu ka ia agi laban ke udah tuai, ia enggai mayar bil nya, lalu enti sida Sesco ka mutong laban ke enda terbayar, ia tu ka berapi ngena kelasau (a type of incense used for fuel).
Enti nitih ke, enda patut opis Sesco tak negeletak ke bil api bakanya ngagai orang kampung lebih, agi orang tuai baka seduai tu. Enda logik!
Sida ke ngeluar ke bil nya patut meda bayar bulan ke bukai, tambah mega enti bala pekerja Sesco enda ngelusu tau meda meter di letak luar rumah seduainya, ukai bisi berpagar! Pia mega enti sida opis Sesco tu bisi system tauke tusun atur kerja enda patut perkara tu nyadi. Sapa ka jawab?
Menua di Simunjan udah dipasang letrik dalam tempoh dua tahun tu kemari. Pia mega dalam bajet 2009 tu tadi udah dipadah ke enti bala pengguna ngena letrik RM20 kebaroh dalam bil sida nang patut free dibri perintah.
No comments:
Post a Comment