Komen Minggu tu

Manah endar komen presiden Kesatuan Guru Sarawak (STU) William Ghani Bina ia ke ngasuh siko ahli parlimen ngetu nganu pengarah opis pelajar negeri Sarawak. (dalam sundaypost ari minggu)

Ahli parlimen Bintulu tu bisi sekali ngasuh pengarah pelajar ngetu laban siko anembiak indu di sekula semak Bintulu bisi enggau orang bergaga.

Kenu ka William utainya lama dah nyadi, lalu anembiak indu tu tadi udah dipindah ke sekula lalu ngepun ke pengidup baru.

Ia madah ke anembiak tu nang pandai dalam sekula, lalu perangai ia udah berubah.
"Utai ke udah nyadi anang ngungkit agi," kenu ka William maya ia ka berkenang ke jako MP Bintulu ia ke ngasuh pengarah berenti.

Amat ka ia, anembiak indu tu berubah lapa meh MP tu ka ngungkit lalu ngenang ke utai ke enda manah ari utai ia ke manah.

Dalam jako ribai William madah: "As educators. we seek to help kids re-build themselves to have a better future, not shatter it. Maybe the MP feels satisfied by bringing the matter like this."
- "Nyadi pengajar kitai patut ngemansang ke anembiak, ukai ngancur masa depan sida. Lapa meh MP tu ngasai diri puas ngungkit perkara baka tu."

Bisi pengamat endar nya, laban orang ke berpolitik tu patut ngemansang ke utai lebih besai agi, baka ngaga jalai, diri ke jambatan, ngaga sekula lalu mai raban bala manyoh bersempuru berjurai ke masalah. Nama deka ngemedis diri enggau perkara ke utai mit bakanya? Nemu kitai utainya salah tang enti sida tu udah berubah perangai, nama ke disebut agi?

Nyadi arap ke bala pemimpin kitai nemu agi bepikir jauh, ngemansang ke bala ukai mina bansa Dayak tang pia maga menyadi kitai bansa bukai.