Dua iko pencuri enda ngaku diri salah udah seduai ia ditangkap polis laban encuri kereta di Lapangan Terbang Antarabangsa Kuching malam Hari Dua.
Pencuri berumur 40 enggau 37 tahun nya madah seduai ia nadai nguji ke mecah masuk ke dalam siti kereta Honda CRV ia ke diempu pekerja di KIA.
Tang penyalah seduai ia ditemu polis udah ke meda ulah seduai ba CCTV.
Dalam CCTV polis KIA bisi terpeda ke seduai ia mecah cermin kereta urung 10.30 malam ba tempat letak kereta dia, lalu nguji ka muka kunci kereta ke ngasuh alarm kereta tadi berbunyi.
Seduai lalu nguji ngerari ke diri ngena kereta siti keluar ari pintu masuk tempat letak kereta ngujung ke seduai lalu ditangkap polis KIA.
Dalam kereta seduai ia bisi tertemu ke perengka kena encuri baka besi panjai enggau screwdriver.
Dulu arinya bisi sebuah Pajero siti lenyau ari tempat letak kereta KIA, dijangka lana ulah dua iko tu meh nya.
Nya ia kenu ko orang, ‘Pandai-pandai tupai engkecit laboh ke tanah ga ia’.
No comments:
Post a Comment